الجواب بعون الملک الوھاب:

شریعتِ مطہرہ میں زکوٰۃ کا نصاب سونے کے اعتبار سے ساڑھے سات تولے (87.48 گرام) ہے، اور چاندی کے اعتبار سے ساڑھے باون تولے (612.36 گرام) ہے۔

اگر کسی مسلمان کے پاس صرف سونا ہو تو سونے کا نصاب معتبر ہوگا، لیکن اگر سونے کے ساتھ کچھ نقدی، چاندی یا مالِ تجارت بھی موجود ہو، تو فقہِ حنفی کی رو سے فقراء و مساکین کے نفع کو پیشِ نظر رکھتے ہوئے چاندی کی مالیت کا نصاب دیکھا جائے گا۔ اگر تمام اشیاء کی مجموعی قیمت ساڑھے باون تولے چاندی کی قیمت کے برابر یا زائد ہو اور اس پر سال گزر جائے، تو کل مالیت پر ڈھائی فیصد (2.5%) زکوٰۃ ادا کرنا فرض ہے۔